ჩაის მოყვანის კულტურა, შთაგონებული
უძველესი ისტორიით

ყველაფერი ასე დაიწყო..

ჩაის ისტორია საქართველოში 200 წლის წინ, 10809 წელს გურიიდან დაიწყო. გურიის სამთავროს უკანასკნელი მმართველი მამია V გურიელი (1809 – 1826) როგორც რეფორმატორი გახლდათ, მისი მმართველობის პერიოდს მრავალი სიახლე უკავშირდება, მათ შორის სოფლის მეურნეობის სექტორის გარდაქმნა და განვითარება.
მამია V გურიელი დაუკავშირდა ფრანგ ბოტანიკოსებს ანდრე მიშოსა და მისი ვაჟს ფრანსუა ანდრე მიშოს, რომლებმაც 1799 წელს პირველად ჩაიტანეს და გააშენეს ჩაის ბუჩქი ამერიკის შეერთებულ შტატებში. მათი რეკომენდაციით მან პირველი ჩაის ნერგები გამოიწერა საქართველოში და შოტლანდიელი იაკობ მონტეგიუ მარის დახმარებით, სხვა ეგზოტიკურ მცენარეებთან ერთად პირველი ჩაის ბუჩქი გაშენდა მთავრის ბოტანიკურ ბაღში. ერთ დროს უცნობი მცენარის მოყვანამ საფუძველი ჩაუყარა იმას, რაც მომდევნო ათწლეულებში საქართველოს ყველაზე დიდ სასოფლო მეურნეობად იქცა.