„პრინცი გურიელი“ ჩვენი ექსკლუზიური პრემიუმ ხაზია, რომელიც 2014 წელს შეიქმნა. პროდუქტი უმაღლესი ხარისხის, ეკოლოგიურად სუფთა ჩაის ფოთლებისგან მიიღება, რომლებიც კავკასიის მაღალმთიან ზონაში გაშენებული პლანტაციებიდან არის მოწეული. მისი დაკრეფა ხდება ხელით, მაისში, მაშინ როცა ჩაის ფოთოლი ახლად აყვავებულია. სიფრთხილით ხდება ამ ფოთლების დამუშავებაც. შედეგად ვიღებთ ქართული ჩაის საუკეთესო ვერსიას.


პრემიუმ ხარისხის პრინცი გურიელი ეკოლოგიურად სუფთა, ახალი ფოთლების ჩაია, რომელიც გამოირჩევა მდიდარი სურნელითა და დახვეწილი გემოთი. ფოთლები იკრიფება დილის საათებში, ზღვის დონიდან 400 მეტრ სიმაღლეზე გაშენებულ პლანტაციებში მაშინ, როცა 76% ტენიანობის პირობებში ფოთლის ბიოქიმიური პროცესები მაქსიმუმს აღწევს. მიღებული ფოთოლი გადის დამუშავების კლასიკურ გზას, ყველა ეტაპს: ღნობა, გრეხა, ფერმენტაცია, ხმობა და დახარისხება. - გარემოში, სადაც ყველა საჭირო პირობა არის შექმნილი ტენიანობისა და სხვა პარამეტრების გათვალისწინებით.